სიახლეები
21 სექტემბერი, 2021
მეექვსე საავტორო სკოლაში აქტიურად ხორციელდება შვეიცარიელი პედაგოგის - თომას ჰოიზერმანის...
30 აგვისტო, 2021
მეექვსე საავტორო სკოლის 2021 წლის უკლებლივ ყველა კურსდამთავრებული საქართველოს, დიდი...
მოლაშქრეთა კლუბი
სასწავლო პროცესში ექსკურსიების დაგეგმვას განსაკუთრებული მნიშვნელობა ენიჭება, რადგან მოსწავლეები სპეციფიკურ ცოდნას და გარკვეულ პრაქტიკულ გამოცდილებას იძენენ. გარდა ამისა, ის აღმზრდელობით ელემენტსაც შეიცავს: კარგად დაგეგმილ და გააზრებულად ჩატარებულ ექსკურსიას შეუძლია ბიძგი მისცეს როგორც აზროვნების გააქტიურებას, ისე გარემოს უკეთ გაცნობას. 

მეექვსე საავტორო სკოლაში დიდი ყურადღება ექცევა ლაშქრობებს, რაც მოსწავლეს საშუალებას აძლევს, უშუალოდ აღიქვას და შეიგრძნოს სამყარო.  ამასთან, ლაშქრობა საკუთარი თავის გამოცდის საუკეთესო შესაძლებლობაცაა. 

კიდევ ერთი მნიშვნელოვანი ფაქტორი მოსწავლეზე დაკვირვებაა: როგორც წესი, ლაშქრობისას ისინი სრულად გამოავლენენ ხოლმე პიროვნულ თავისებურებებს. ეს კი პედაგოგებს საშუალებას აძლევს, უკეთ დაინახონ ის სფეროები, სადაც მეტი მუშაობაა საჭირო.