ილიას სახელმწიფო უნივერსიტეტმა, ილიაუნის კიბერლაბორატორია UniLab • უნილაბთან და კომპიუტერული ტექნოლოგიების სასკოლო ლაბორატორიასთან Explorium • ექსპლორიუმთან ერთად, ეროვნული მასშტაბის ინოვაციურ პროექტს: “მოსწავლეთა ეროვნულ კონფერენციას ვიზუალურ პროგრამირებაში“ უმასპინძლა. 

კონკურსის წესით შერჩეულმა მონაწილეებმა კონფერენციაზე პედაგოგების დახმარებით წარადგინეს საკუთარი ძალისხმევით შექმნილი ციფრული პროექტები: სხვადასხვა სირთულის თამაშები, ანიმაციები და ჭკვიანი აპლიკაციები, შექმნილი ვიზუალური პროგრამირების ერთ-ერთ გარემოში - SCRATCH. 

პროექტი განკუთვნილი იყო IV-VII კლასების მოსწავლეებისთვის, რომლებმაც საგნის: „კომპიუტერული ტექნოლოგიები“ ფარგლებში ან არაფორმალური განათლების ცენტრების დახმარებით შეისწავლეს პროგრამა Scratch-ი და შექმნეს ციფრული პროექტი. 

კონფერენციის მეორე დღეს კონფერენციის მონაწილე მოსწავლეები და მენტორები დასაჩუქრდნენ სერტიფიკატებით და სხვადასხვა საჩუქრებით. 

მთელი საქართველოს მასშტაბით უამრავ  დარეგისტრირებულ აპლიკანტთაგან, კონფერენციაზე მონაწილეობისთვის კონკურსის წესით შეირჩა მეექვსე საავტორო სკოლის 5 მოსწავლე: 

• ნინი კალანდარიშვილი 
• ლუკა გიორგობიანი 
• გიგო ასათიანი 
• გიო ფიცხელაური 
• ოთო ჩხეიძე

მოსწავლეების მენტორი გახლდათ მეექვსე საავტორო სკოლის კომპიუტერული ტექნოლოგიების პედაგოგი ოლიკო კილაძე.

ვულოცავთ ჩვენს მოსწავლეებს და მათ შესანიშნავ პედაგოგს - ოლიკო კილაძეს ამ უმნიშვნელოვანეს წარმატებას!