სიახლეები
25 აპრილი, 2021
19-23 აპრილს, დედამიწის საერთაშორისო დღისადმი მიძღვნილი კვირეულის ფარგლებში, მეექვსე საავტორო...
24 აპრილი, 2021
მეექვსე საავტორო სკოლის XI კლასის მოსწავლე ანასტასია ჩალაგაშვილი, რომელიც სერვანტესის...
ლიტერატურული პრემია ამირანი
  
პაკო ამირან სვიმონიშვილი (1973-2014)

პოეტი, მთარგმნელი, გერმანისტი, მეექვსე საავტორო სკოლის დამფუძნებელი და პედაგოგი, დოკუმენტური ფილმების სტუდია „მიკროსტუდიის ჯგუფის“ დამფუძნებელი, პესტალოცის სახელობის ბავშვთა სოფლის (“Kinderdorf”) ქართული სახლის პედაგოგი.
                                                                                                                                                                      
 შემოქმედება

„მოვსულვარ ლანდი“(კრებული, 1990),  ”ლექსები და თარგმანები“ (კრებული, 1995),  „ლექსები“ (კრებული, 2000),  „სამი ავტორის ალმანახი“ (კრებული, 2003),  „სამკვიდრო“ (კრებული, 2010),  „ნასესხები შუქი“ (თარგმანები, 2013), "დღეს ბედისწერაც სიმღერაა..." (კრებული ქართულ და ჩერქეზულ ენებზე, 2017), "Gedichte" (კრებული ქართულ და გერმანულ ენებზე კომენტარებით, 2018)

 
 
ლიტერატურული პრემია ამირანი 

პოეტის, მთარგმნელის, მეექვსე საავტორო სკოლის დამფუძნებლისა და პედაგოგის პაკო ამირან სვიმონიშვილის სახელობის საყმაწვილო ლიტერატურული პრემია „ამირანი“ 2014 წელს დაარსდა. კონკურსის მიზანი შემოქმედებითი ნიჭის მქონე ახალგაზრდების გამოვლენა, მათი კულტურულ და ლიტერატურულ პროცესებთან დაახლოება, პიროვნული და შემოქმედებითი წინსვლის მხარდაჭერაა.

დღემდე კონკურსში საქართველოს ზოგადსაგანმანათლებლო სკოლების 1000-ზე მეტმა მოსწავლემ მიიღო მონაწილეობა; წარმოდგენილი იქნა 5000-მდე ნამუშევარი; კონკურსის ფინალისტები და გამარჯვებულები დაჯილდოვდნენ ფულადი პრემიით (საერთო ჯამში - 43 ათასი ლარის ოდენობით) და გადაეცათ ფასიანი საჩუქრები; ფინალისტთა საუკეთესო ნამუშევრები გამოიცა კრებულებად.

2021 წელი ლიტერატურული პრემია „ამირანის“ მესამე საკონკურსი წელია. კონკურსში მონაწილეობის მიღება შეუძლიათ საქართველოს ზოგადსაგანმანათლებლო სკოლების IX-XII კლასების მოსწავლეებს, რომელთაც შესაძლებლობა აქვთ, საკუთარი ნამუშევრები წარმოადგინონ შემდეგ ნომინაციებში:

პოეზია
პროზა
თარგმანი

სამივე ნომინაციაში გამოვლინდებიან I, II და III ადგილის მფლობელები.

კონკურსში მონაწილეობის მსურველთა ნაშრომები მიიღება ელექტრონულ მისამართზე: amirani.premia@gmail.com

აუცილებელია, წერილში მოსწავლემ მიუთითოს: 

·      სახელი, გვარი; 
·       ქალაქი (რაიონი); 
·       სკოლის სრული დასახელება;
·       საკონტაქტო ტელეფონი. 
     

თარგმანის შემთხვევაში, მისაღებია როგორც უცხოენოვანი პოეტური თუ პროზაული ტექსტის ქართული თარგმანი, ასევე - ქართული ტექსტის უცხოური თარგმანი. თარგმანს აუცილებლად თან უნდა ერთვოდეს დედანი (ორიგინალი ნაწარმოების სკანირებული ვერსია ან ასლი, ან მითითებული იქნას მისი ელექტრონული მისამართი ვებ-სივრცეში, ასეთის არსებობის შემთხვევაში).

კონკურსანტს შეუძლია, მონაწილეობა მიიღოს ყველა ნომინაციაში.

წარმოდგენილი ნაწარმოებების რაოდენობა შეუზღუდავია.

ნაშრომების მიღების ბოლო ვადაა 2021 წლის1 მაისი.

 გამარჯვებულების გამოვლენა და დაჯილდოება გაიმართება 2021 წლის ივნისში.

პროექტის ავტორებისა და მხარდამჭერების მიერ გამარჯვებულთათვის სამივე ნომინაციაში დაწესებულია ფულადი პრემია და ფასიანი საჩუქრები:
I ადგილი - პრიზი „ვერცხლის შროშანი“ და პრემია 3000 ლარი
II ადგილი - 2000 ლარი
III ადგილი - 1000 ლარი

მოსწავლეთა ნაშრომებს განიხილავს კომპეტენტური ჟიური ქართველი მწერლებისა და საზოგადო მოღვაწეების შემადგენლობით. მაქსიმალური ობიექტურობისა და გამჭვირვალობის უზრუნველსაყოფად, პროექტით გათვალისწინებულია მონაწილეთა ანონიმურობის დაცვა მათთვის საიდენტიფიკაციო კოდის მინიჭებით.

კონკურსის პირველ ეტაპზე გამოვლენილი იქნებიან ფინალისტები, რომელთა შორისაც, მათთან პირადად გასაუბრების შემდეგ, კონკურსის ჟიური დაასახელებს კონკურსის გამარჯვებულებს თითოეულ ნომინაციაში - I, II და III საპრიზო ადგილების მფლობელებს. ფინალისტებისა და ასევე, სხვა საუკეთესო ნაწარმოებების ავტორების ნაშრომები დაიბეჭდება და გამოიცემა კრებულად. წიგნში შესულ ავტორებს, პროექტის ფარგლებში შესაძლებლობა მიეცემათ, შეხვდნენ ქართველ მწერლებს, პოეტებსა და მთარგმნელებს.


პროექტის მხარდამჭერები არიან: 

·       ააიპპაკოს ფონდი

·       მეექვსე საავტორო სკოლა

·       წყალი მარგებელი (ნაბეღლავი)

·       ივანე ჯავახიშვილის სახელობის თბილისის სახელმწიფო უნივერსიტეტი

·       შოთა რუსთაველის სახელობის ქართული ლიტერატურის ინსტიტუტი

·      მწერალთა სახლი

·      გაზეთი „ახალი განათლება“

·      ჟურნალი „კულტურა პლუს“

·      საქართველოს რადიო - „პიკის საათი“

·      საპატრიარქოს ტელევიზია - სტუდია „ავტოგრაფი“

 კონკურსში მონაწილეობა ყველა ეტაპზე უფასოა!

 

დეტალური ინფორმაციის მისაღებად, დაგვიკავშირდით:
ააიპპაკოს ფონდი

ლადო ასათიანის . N28, თბილისი 0105.

http://meeqvsesaavtoro.ge

amirani.premia@gmail.com

Tel: 598 434 000