სკოლის შენობა კულტურის  მემკვიდრეობის ძეგლია. იგი მდებარეობს თბილისის უძველეს უბანში - სოლოლაკში, ასათიანის და დადიანის ქუჩების კვეთაზე. არქიტექტურულად უმდიდრეს ამ უბანში, სკოლის შენობა ერთ-ერთი გამორჩეულია. შენობის არქიტექტურა თბილისში ახალი გოთიკური სტილის თვალსაჩინო ნიმუშია. შენობა მე-20 საუკუნის დასაწყისში აშენდა და თავიდანვე განსაზღვრული იყო როგორც საგანმანათლებლო დაწესებულება. თავდაპირველად შენობაში მდებარეობდა ქალთა მე-3 გიმნაზია. 100-ზე მეტი წლის მანძილზე შენობის დანიშნულება არ შეცვლილა და ის დღესაც ემსახურება განათლებას. 

1905 წელს აგებულ შენობას შეუნარჩუნდა პირვანდელი სახე, მოხდა ინტერიერის რესტავრაცია. სკოლა გარემონტებულია ეკო-ტექნოლოგიური სტანდარტების შესაბამისად. ფუნქციონირებს ეკო-არქიტეტორების მიერ დაპროექტებული გათბობისა და ვენტილაციის სისტემები. სკოლა აღჭურვილია ეკოსტანდარტების და უახლესი ტექნოლოგიების გამოყენებით გარემონტებული დიდი, ნათელი აუდიტორიებით, რაც ხელს უწყობს მოსწავლის დადებითი ფსიქოემოციური მდგომარეობისა  და განწყობის ჩამოყალიბებას.                                                                                                                                                           

ღონისძიებათა დარბაზი 

უნიკალური აქრიტექტურის, 180მ2 ფართობის ღონისძიებათა დარბაზი, აღდგენილია პირვანდელი სახით. დარბაზი იტევს 200 ადამიანს და მასპინძლობს სხვადასხვა ღონისძიებებს - კონცერტებს, კონფერენციებს, გამოფენებს, ფილმების ჩვენებას. პოეტების, ავტორების შემოქმედებით საღმოებს.