დამტკიცებულია:
შპს მეექვსე საავტორო სკოლის
დირექტორის ბრძანებით.
შპს მეექვსე საავტორო სკოლის
მოსწავლეთა ინიციატივების მხარდამჭერი მექანიზმი
მუხლი 1. ზოგადი დებულებები
- აღნიშნული დოკუმენტი განსაზღვრავს შპს მეექვსე საავტორო სკოლის (შემდგომში - სკოლის) მოსწავლეთა ინიციატივების მხარდამჭერ მექანიზმს.
- აღნიშნული მექანიზმი ვრცელდება სკოლის ყველა მოსწავლეზე.
- მექანიზმის მიზანია მოსწავლეთა ინდივიდუალური და ჯგუფური ინიციატივების გამოვლენა, განვითარება და მხარდაჭერა მათი ლიდერული და სოციალური უნარების გამოვლენისა და სკოლის ცხოვრებაში აქტიურად ჩართვისათვის.
- მოსწავლეთა მხრიდან წარმოდგენილი ინიციატივა შესაძლოა გულისხმობდეს სპორტულ, კულტურულ, შემეცნებით, საგანმანათლებლო თუ სხვა საზოგადოებრივად სასარგებლო აქტივობას, ასევე არაფორმალურ განათლებას.
- ნებისმიერ მოსწავლეს აქვს უფლება ღიად ისაუბროს საკუთარი ინიციატივის შესახებ, აღნიშნული მექანიზმის საფუძველზე განსახილველად და მხარდასაჭერად წარადგინოს საკუთარი იდეები.
- ნებისმიერი მოსწავლე უფლებამოსილია საკუთარი ინიციატივის მხარდაჭერისა და განხორციელების მიზნით ითანამშრომლოს სასკოლო საზოგადოების ნებისმიერ წევრთან.
- აღნიშნული მექანიზმის ამოცანაა:
ა) ხელი შეუწყოს მოსწავლეებში თვითგამოხატვისა და პასუხისმგებლობის განვითარებას;
ბ) წაახალისოს მოსწავლეთა ჩართულობა სასკოლო ცხოვრებაში;
გ) უზრუნველყოს ინიციატოვების რეალიზაციისათვის საჭირო რესურსებისა და მხარდაჭრის ხელმისაწვდომობა;
დ) ხელი შეუწყოს სოციალური/თანამშრომლობითი უნარების განვითარებას;
ე) განავითაროს ინიციატივების წარდგენის/განხორციელების კულტურა სკოლაში.
მუხლი 2. მოსწავლის ინიციატივის მხარდამჭერი მექანიზმი
- მოსწავლეს (მოსწავლეთა ჯგუფს) უფლება აქვს სასწავლო წლის ნებისმიერ დროს საკუთარი აზრების და იდეების განხორციელების მიზნით ზეპირად ან წერილობით (იხ. დანართი N1) მიმართოს სკოლის დირექციას.
- დირექტორი მოსწავლის/მოსწავლეთა ჯგუფის ინიციატივას განიხილავს 10 სამუშაო დღეში.
- ინიციატივის წარდგენიდან გონივრულ ვადაში დირექტორი იღებს გადაწყვეტილებას ინიციატივის მხარდაჭერის ან მხარდაჭერაზე უარის თქმის თაობაზე და აცნობებს ინიციატივის წარმდგენს.
ინიციატივის შეფასების კრიტერიუმებია: რეალისტურობა, მიზანშეწონილობა და საგანმანათლებლო ღირებულება. განხილვის ეტაპზე უპირატესობა მიენიჭება ისეთ განაცხადს, რომელიც ხელს შეუწყობს:
- მოსწავლეთა აკადემიურ, სოციალურ და ფსიქოლოგიურ განვითარებას;
- მოსწავლეებში ცხოვრების ჯანსაღი წესის დამკვიდრებას;
- მოსწავლეთა ჩართულობას სამოქალაქო აქტივობებში;
- მოსწავლეებში ორგანიზაციული უნარების ჩამოყალიბებას;
- მოსწავლეთა თვითრეალიზაციას;
ასევე, მოსწავლის/მოსწავლეთა ინიციატივა:
- არ უნდა ეწინააღმდეგებოდეს სკოლის მისიასა და სასკოლო საზოგადოების ინტერესებს;
- არ უნდა სცდებოდეს ეთიკის ნორმებს;
- არ უნდა სცდებოდეს ასაკობრივ ცენზს;
- არ უნდა ემსახურებოდეს ძალადობის, რელიგიურ თუ პოლიტიკურ ან სხვა რაიმე სახის პროპაგანდას.
- შერჩეულ ინიციატივას სკოლა მხარს დაუჭერს რესურსებით (სივრცე, ტექნიკა, მენტორობა).
- თუ ვერ განხორციელდა ინიციატივის მხარდაჭერა უნდა მოხდეს დასაბუთებული უარის წარდგენა ინიციატივის წარმდგენისათვის.
- მოსწავლეთა ინიციატივების განხილვა-განხორციელებისას დაუშვებელია რომელიმე მოსწავლის დისკრიმინაცია ან ნებისმიერი ქმედება, რომელიც პირდაპირ ან ირიბად უკავშირდება მოსწავლის უფლებების შეზღუდვას.
- მოსწავლეთა ინიციატივის მხარდაჭერის შემდგომ დირექტორის მიერ განისაზღვრება პირი, რომელიც დაეხმარება მოსწავლეებს საკუთარი ინიციატივების ორგანიზებასა და განხორციელებაში. აღნიშნული პირი შეიძლება იყოს ადმინისტრაციის წევრი.
- განხორციელებული ინიციატივების პრეზენტირება მოხდება სასკოლო ღონისძებაზე და განთვსდება სკოლის ვებგვერდზე
მუხლი 3. დასკვნითი დებულებანი
- მოსწავლის ინიციატივების მხარდაჭერის მექანიზმს ბრძანებით ამტკიცებს სკოლის დირექტორი.
- მოსწავლის ინიციატივების მექანიზმში ცვლილებების და/ან დამატებების შეტანა ხდება წინამდებარე მუხლის პირველი პუნქტით განსაზღვრული წესით.
დანართი N1.
განაცხადის ფორმა
|
ინიციატივის/პროექტის სახელწოდება:
|
|
|
მოკლე აღწერა:
|
|
|
განხორციელების სავარაუდო ვადა:
|
|
|
მიზანი:
|
|
|
ჩართული პირები:
|
|
გთხოვთ, მოკლედ აღწეროთ რა სახის მხარდაჭერა გესაჭიროებათ სკოლის მხრიდან. დაფინანსების საჭიროების შემთხვევაში, გთხოვთ, წარმოადგინოთ ბიუჯეტი.
