„ვინც ერთ სიცოცხლეს გადაარჩენს, ის გადაარჩენს მთელ სამყაროს.“
ჩვენმა მოსწავლეებმა გორის თავშესაფრიდან გამოხსნილი და გადარჩენილი ცუგების დასახმარებლად დიდი გამოფენა-გაყიდვა მოაწყვეს.
სახლში დამზადებული ტკბილეული და სასმელები, ხელნაკეთი ნივთები და სამკაულები, პოსტერები, თამაშები, ნახატები - რაღას აღარ ნახავდით აქ!
შეგროვილი თანხა XI კლასელებმა ცხოველთა უფლებების დამცველებს გადაურიცხეს:
2 375 ლარი გადაირიცხა გორელი ცუგების დახმარების ფონდში, უფლებადამცველ დათო დიდებაშვილთან
238 ლარი გადაერიცხა თინა ყაველაშვილს - სტუდენტ გოგონას ლაგოდეხიდან, რომელსაც 16 მიუსაფარი ძაღლი ჰყავს შეფარებული.
დიდი მადლობა ჩვენს საოცარ მოსწავლეებს, მშობლებსა და მასწავლებლებს ამ კეთილ საქმეში გულით მონაწილეობისთვის!
განსაკუთრებული მადლობა XI/I კლასის მოსწავლეებს ღონისძიების ორგანიზებისთვის!
